Asisko Urmeneta marrazkilaria eta sortzailea Eunate BHIn egon da aurki. Gartxot filmari buruz eman zuen hitzaldia eta nola sortu zitzaien filma egiteko ideia, nola egin zuten eta ze arrakastatsua izan den azaldu zuen institutuan. Oso emanaldi polita izan zen eta guztiz interesgarria. Dudarik gabe, bai ikasleengan eta bai irakasleengan jakin mina piztu duen hitzaldia izan da, Nafarroaren historiari buruz gehiago ikasteko gogoa hain zuzen. Asisko Urmenetak solasaldi osoa marrazketak egiten eman zuen, hitz egiten zuen bitartean alboan zeukan arbela bete zuen behin eta berriz. Gauza askoen artean, nola filmatu zuten Gartxot azaldu zuen, nola eta non grabatu zuten soinua, nola marraztu zituzten pertsonaiak eta nola lortu zuten proiektu polit hau egia bihurtzea oso medio gutxiekin. Gartxot marrazki bizidunen filmak, sudur handien filmak eta umeentzako ez den filmak, sari asko lortu ditu, haien artean Australian Audience Choice Award Auburn Nazioarteko zinema jaialdian.
